أخبار مصر

صراع أخوين على رعاية الأم.. محمود سعد يروي أغرب قضية في المحاكم الشرعية


01:30 ص


الإثنين 02 يناير 2023

كتب- إسلام لطفي:

سرد الإعلامي محمود سعد، أغرب قضية في المحاكم الشرعية -حسب وصفه-، والتي حدثت في السعوية، بين أخوين “حيزان الحربي وغالب الحربي”، واصفًا إياها أن لها معانٍ كتيرة.

وأضاف في بث مباشر له عبر صفحته على “فيس بوك”: كان في السعودية شخص يدعى حيزان يرعى أمه وهي ست عجوزة أوي، لكن كبر في السن فأخوه الأصغر منه عايش في مدينة تانية في السعودية وطلب أن أمه تعيش معاه لأنه يقدر يخدمها أكتر منه، وحيزان رفض وقاله أنه ميقدرش يعيش من غيرها ومش هيسيبها، وهي كل ثروتها عبارة عن خاتم نحاس ومعندهاش حاجة خالص.

وتابع: ووصل بينهما الصراع على مين ياخد أمه، واضطروا أنهم يروحوا المحكمة، ووقتها القاضي ملقاش إن فيه ورث ولا حاجة وحكوله القصة، فاحتار وقالهم نسأل الأم عن حبها لمين يرعاها من ولادها، فقالت إنها متقدرش تختار منهم حد.

واستطرد: فكان على القاضي أنه ياخد القرار مين يصلح للأم تعيش عنده، فكان قراره أنها تروح عند غالب، لأنه الأصغر وظروفه أحسن وممكن يرعى الأم بشكل أفضل، وفعلًا خرجوا الاتنين شايلين الأم وركبوها العربية ومشيت مع غالب وفضل حيزان يبكي على أمه فترات طويلة جدًا، والراجل بيحب امه جدا ومش عاوز يسيبها أبدًا وهو لم يعش كتير بعد القصة دي، ودي قصة أغرب القضايا.

وقدَّم نصيحة للمشاهدين بقوله: كل واحد بيوزه شيطانه أو أي شيطان، أنه ميهتمش بأمه، بلاش يعمل كده.

زر الذهاب إلى الأعلى