فريدة سيف النصر تدافع عن شيرين:”السحر يقدروا يجننوا ناس بيه ويمرضوهم”


11:05 م


الخميس 17 نوفمبر 2022

كتب- هاني صابر:

دافعت الفنانة فريدة سيف النصر، عن الفنانة شيرين عبدالوهاب بعد الانتقادات التي تعرضت لها مؤخرا عقب عودتها لزوجها السابق الفنان حسام حبيب، خاصة بعدما تحدثت شيرين بأنها كان “معمول لها عمل هي وحسام”.

وكتبت فريدة، عبر حسابها على فيسبوك: “شيرين كانت بتقول.. معمول لها سحر.. آه ممكن جدا.. المكتوب بيقول بيقدروا وبيجننوا ناس بيه كمان ويمرضوهم ويجلبوهم مسلوبين الإرادة، ومنهم يشتغل كتير وماديات وربنا سايبهم علشان يصدقوا نفسهم، فيفتكروه راضي، وفجأة ينقلب السحر على الساحر”.

وتابعت: “هو ربنا كده مابيسيبش بس بيدي فرصة يمكن ترجع أو تتوب، والقلبة وحشة، ما تفهميش إزاي كله ضاع، هو كده، والمصيبة ما تقدرش خلاص تقول يا رب”.

وأضافت: “قرأت أنهم بينضربوا في صحتهم، وفي رجليهم اللي راحت لعمل العمل وإيديهم ونظرهم.. إرجعوا كده لقصص الدجالين معظمهم مات إزاي.. الوعد الإلهي لهم الفقر لو بعد حين مهما كسبوا.. حقك وحق أي مؤذي هيرجع بقوة الله، وكل اللي متكل على شئ غير الله، ضاع عاجلا أم ٱجلا.. عالم خايبة”.

وكانت الفنانة شيرين عبدالوهاب، تحدثت عن قصة “عمل” كانت تُعاني منه منذ ارتباطها بالفنان حسام حبيب قبل انفصالهما عن بعض وعودتهما مرة أخرى.

وقالت شيرين، ببرنامج “الحكاية” الذي يقدمه الإعلامي عمرو أديب: “كان معمولنا أنا وحسام حاجة كبيرة أوي، وكنا ضحية حاجة كبيرة أوي أوي، والحمد لله ربنا فكه بسلام، وكان (عمل) وأنا أصغر من إني أتكلم في الحاجات دي، عشان مبفهمهاش، بس هي ذُكرت في القرآن، واحنا مش معصومين من الغلط”.

وأضافت: “كان بينا شيطان واحنا متجوزين، وده بيحصل بين أي اتنين متجوزين”.

وكانت شيرين عبدالوهاب، أعلنت عقد قرانها على طليقها الفنان حسام حبيب، مضيفة: أنا تم كتب كتابي على حسام حبيب، وبعتذر لحسام عن كل الكلام اللي أنا قولته في حقه.

وقالت شيرين، خلال مداخلة هاتفية مع الإعلامي عمرو أديب، ببرنامج “الحكاية”، المُذاع عبر فضائية “mbc مصر”: أنا شيرين اللي قلبها متسامح وهيفضل قلبي متسامح، كنا ناويين عقد القران يوم السبت، لكنه أصر على عقد القران الخميس.