تامر حسني يروي حكاية “كولونيل ساندرز”.. والجمهور يُعلق

 

08:03 م

الخميس 17 نوفمبر 2022

كتب- وائل توفيق:

حرص الفنان تامر حسني، على مواصلة تقديم الدعم والنصائح لجمهوره من خلال سرده حكاية “كولونيل ساندرز”.

وكتب تامر، عبر حسابه على إنستجرام: “(احنا فيها) حبايب قلبي جملة سمعتها النهاردة والمفروض بنسمعها في حياتنا اليومية كتير بس أول مرة أركز فيها بالشكل دا جملة (ما إحنا فيها) جملة خطيرة جداً جميلة جداً فيها أمل رهيب معناها إن الوقت ما فاتش وإحنا لسه في الدنيا ما دام أنت لسه فيها يبقى الوقت ما فاتش ولا حاجة وعمر النجاح ما كان بالسن ياما ناس عباقرة نجحت متأخر وبقوا من أشهر وأغنى الناس في العالم، ارجوكوا ركزوا في القصة الحقيقية دي”.

وتابع: “كان في طفل عنده ٥ سنوات ومن الفقر وبعد وفاة والده اضطرت أمه الفقيرة تنزل تشتغل في أي شغل يقابلها عشانه وعشان ولادها الأصغر ولما كبر الطفل ده شوية من سن ٧ سنين بدأ يهتم بإخوته الصغيرين ويعملهم الأكل عشان أمه في الشغل”.

وأضاف: “طبعاً طفل بيطبخ دي حاجة غريبة ولها مشقة وحرمان من الطفولة وتحمل مسؤولية بدري أوي وأكبر من عمره لإنه بقى يقوم بدور الأم والأب في منزل به أطفال أصغر منه يرعاهم هو بمفرده، تخيلوا الطفل ده فضل يطبخ ويشتغل شغلانات بسيطة جنب أمه لحد ما بقي عنده ٦٢ سنة، ومحققش أي شيء بس عمل بتحويشة عمره بنزينة صغيرة وفيها جزء صغير زي عربية أكل ومن كتر اعجاب الناس بالأكل اللي بيقدمه وطبعاً عشان هو اللي بيطبخه بخبرته الرهيبة نجح نجاح أسطوري وتحولت البنزينة وعربية الأكل إلى أكبر سلسلة مطاعم في الكرة الأرضية ( كنتاكي) واسمه الكولونيل ساندرز، قوم يلا قومي يلا، إحنا فيها”.

وجاءت تعليقات الجمهور على تدوينته، كالتالي: “مش عارفة أقولك إيه على كل نصايحك اللي بتفيدنا بيها دي”، “أجمل حد في الدنيا بجد “، “حقيقي نصايحك دي بتفرق معانا أوي أوي”، “مصدر طاقتنا”، “انت إنسان جميل”.

على جانب آخر، يستعد تامر حسني لإحياء حفل غنائي في “arab acadmy” يوم 19 نوفمبر الجاري في القاهرة.

يذكر أن آخر أعمال تامر حسني السينمائية فيلم “بحبك” الذي يُعد أولى تجاربه الإخراجية، ويُشارك في بطولة الفيلم هنا الزاهد، هدى المفتي، حمدي الميرغني، مدحت تيخا، وغيرهم.